Кагирхошца болх бу Байц Валерия Москверча кхетаче яхай
ГӀалгӀай Республикан кагирхой цхьанкхетарий цӀен болхло дакъа лоацаш я «Кердача ханна йола керттера уйлаш» яхача Москве дӀахьош йолча Ерригроссийски кхетаче, яхаш, дийцар «Сердало» газетага цу моттига зарбан болх лелабераша.
«Укх деношка Валерияйна кхадж бера, цига вай ГӀалгӀайчен викал йолаш хила. Кхетачено тӀахьех халкъашта юкъера гӀулакхаш чӀоагӀдара, кулгалхочун болх дӀабахьара даькъ тӀа карагӀдаргдараш довза, шоаш хьалаьца никъ чакхбаккхара тӀакхувш хилар фуд ха. Из программа хиларах, кхелахошца вӀашагӀкхетар юкъе а доаккхаш; проекташ, семинараш, иштта культуран дакъа гойта таро хул, шоайла бувзам чӀоагӀбеш», - йоах хоамо.
Кагирхой центра административни даькъа кулгалхочо Байц Валерияс гойтаргья «ЭтноКэмп» яха ший проект, цун чулоацамо дувц этнокультурах йолча кагирхой дӀа-юха лелаш хургйолча лагерах; иштта «Къаман вахарцара сатувсам» яхача къамашта юкъерча къамаьлах-диалогах.
