Кулгалхошца дагабалар дола болхлой, Москверча Ерригроссийски кхетаче бахар
ГIалгIай Республикера хьехархой бахар Ерригроссийски кхетаче дIахьоча, цига гуллуш бар кхетам балара даькъ тIара, иштта берашца бувзам лелабара йолча юкъарленашка кулгалхой дагабалар дола болхлой. ДукхагIча даькъе цар болх бу, «Россе аьрзелгаш» яха вахара оагIув дегIайоалаяра юххьанцарча классашкара программа кхоачашъеш, аьлар «Сердало» газетага «Бералла наькъаш» яхача проекта зарбан болх лелабераша.
«ГIалгIайчера цига дакъа лоацаш бар Наьсарен №1 йолча юкъерча ишкола кхетам балара даькъ тIара кулгалхочунца дагаювлаш йола МутаIаланаькъан Фатима, иштта №20 йолча Наьсарен-Шахьара юкъерча ишкола кулгалхочунца дагайоала Мерашканаькъан Тамила. Из кхетаче дIахьош, цар и йцар кхетам балара даькъ тIара хьал тоадарах, шоайла балха говзал дIа-юха елар, иштта юххьанцарча классашка дагIача берашта кхетам балара пайда луш йола оагIонаш техкар», - аьлар хоамо.
«Россе аьрзелгаш» яхача программо новкъостал ду берригача мехкара цаI йола оагIув хьакхолла кхетам балара даькъ тIа, цо иштта таро лу хьехархошта вIашагIкхета, балха говзал эца. Цу дерригнена керте латтар бер да, цун хьалхара гIа баккхар, доккхийча толамашка из дигар», - аьлар МутаIаланаькъан Фатимас.
