СВО доазон тӏа хӏамаш яхьийтар мехкарча кхалнаьха Союзо
Дешара шу долалуш, Молочанск яхача шахьаре 200 совгӏа исбахьален литературан книжкаш дахьийтар. Боккхача мехка йоазонхоша яздаь книжкаш вай Мехкадаьгара, Россе кхалнаьха Союзагара да аьнна дӏаделар. СЖР Гӏалгӏай оагӏонцара хьинардараш шоаш ӏобахар книжкаш ийца, иштта СВО доакъашхошта хӏамаш йихьар цар.
«Троицки горнизона 503-ча сура бӏухоша, хӏамаш шоай машина тӏа дӏатӏаетта, кхача езача дӏакхоачайир. Кхалнаьха кхела кулгалхо, иштта Халкъа Гуллама депутата гӏонча йолча Томилова Натальяс вӏаштӏехьадаьккхар СВО моттиге дӏакхачар. 8 тонн совгӏа хӏамаш яр цар йихьараш. Цу юкъе дар 3 тонн гаргга доагар, машинашта еза оатхалаш, дронашта духьалара юврагӏаш, тӏема аренашка эшаш дола цхьаралаш, консерваш, ханахьа талхаш боаца кхача, иштта 2 тонн гаргга реторт-пакеташкара даа хӏама – аьшкан банкашта, шушашта меттел иштта арахийца»,- дийцар «Сердалога» мехкарча Миннаце.
Хӏамашца цӏагӏарча нахагара, дезалашкара къамаьл дӏадир царга. Тӏемахой дезалашта тахан хов, вай мохк цу сура терко лоаттаеш, эшар, дезар фуд хьожаш болга. Тӏема аренашка леларашта эггара чӏоагӏагӏа эшаш йола хӏамаш яя. тахан цига ӏойихьараш.
