«Р-217 Кавказ» оалача наькъ тӀа хатар хиннача, оарцагӀа бахар мехкара МЧС болхлой
12.08.2025 11:50
«Служба 112» яхача моттиге хоам бера, «Р-217 Кавказ» оалача федеральни наькъа 576-ча километра тӀа хатар хиннад, аьнна.
«Сиха оарцагӀа баьхкача «Аьрзи» яхача тоабан доакъашхоша деррига тохкаш болх дӀабихьар. ВӀашкакхийттараш я «Тойота Альфард», ВАЗ 21099 яха ши машин. Цу хатара юкъе цхьа саг лозаваьв, Даьла къахетамца сага вахар ца хадаш дӀадийрзад из. Республикерча клинически дарбанче Ӏочувига, дарба деш ва лозаваьр», - дийцар «Сердалога» мехкарча МЧС болхлоша.
Хатар хиннача моттиге болх беш хиннараш «Аьрзи» яхача оарцагӀа ухача тоабан доакъашхой ба. Шоай оагӀорахьара де дезаш мел дола хӀама дизза кхоачашдеш, къахьийгар цу беркатеча наха.
