Наьсаре авари хиннача, оарцагӏбаха хилар МЧС болхлой
05.09.2025 10:31
Доккха хатар хилар Наьсаре, машинаш вӏашкакхетарах. Мутаӏаланаькъан цӏерах болча ураме оарц дехаш телефон техар «Амал 112» яхача гӏо деча моттиге. «Аьрзи» яхача гӏо де ухача тоабан болхлой бар хатар хиннача хьакхаьчараш.
Вӏашкакхийттараш яр «ВАЗ 2114», «Лада Гранта» яха машинаш. Ши саг лозаваьв цига. Эггара хьалхара гӏо даь, республикерча клинически дарбанче ӏочубигар уж», - дийцар «Сердалога» МЧС болхлоша.
Даьла къахетамца, сага вахар ца хадаш, дӏадийрзар из хатар. Ӏаьдала болхлоша, бехкевар малав хьожаш, дӏахо тохкаш латт из гӏулакх.
