«Тоаркхо» яхача оарцагIа ухача тоабо Махьмад-Хи тӀа бахача наха гIо дир
25.11.2023 01:42
«Тоаркхо» яха нах хатарех кӀалхарбоахаш йола тоаба, оарцагӀа яхар МагӀалбика кхален Махьмад-Хи тӀа бахача наха. Ха деш болчарга хоам бенабар МагӀалбик-Шахьарера, нах чубахача цӀен тӀа га ӀотӀаежа хиларах.
«Цига сихонца дӀакхаьчача, нах кӀалхарбахара йолча тоабо хоадам бир; газ хьачуйоагӀа турба лоацаш, га цӀен тхов тӀа уллаш хиларах.
КӀалхарбоахача тоабан болхлоша, сиха тхов тӀа баьнна, моторо лелабеча херхаца, иззал чӀоагӀа нах корзагӀбаьха хинна га тийдар», - аьлар «Сердало» газетага МагӀалбик-Шахьара администраце зарбан болх лелабераша.
