Туристашца къахьегача наха къамаьл дир, ИнгГУ студенташца
ГӀалгӀайчен туристически даькъ тӀарча болхлоша къамаьл дир ГӀалгӀай паччахьалкхен университета, «Туризм, гостиницай гӀулакх» яхача факультете деша багӀача студенташца, яхаш, дийцар «Сердало» газетага из болх вӀашагӀбеллараша.
«Республикан керттерча вуза хьаьша ше хиларах, ГӀалгӀайчен туризмах йолча Комитета кулгалхочун декхараш кхоачашдеш волча Чуранаькъан Мухьмада дийцар, туризм дегӀайоалаяра йоккха проекташ кхоачашъе лаьрхӀа хиларах. «ГӀалгӀайче воагӀаш хилар» яхача турагентства кулгалхочо Йовлой Хьавас даь къамаьл доагӀаш дар, цу даькъ тӀа къахьегаш болча наха»,-аьлар кхетачен доакъашхоша.
«Ӏарамхи» яхача курорта керттерча кулгалхочо Йовлой Мухьмада яхачох, ГӀалгӀайче йоккха кхоане йолаш я, бакъда лакха говзал йола болхлой цахиларах, туристаш тӀахьехарца халонаш нийслу.
«Хургболча говзанчаша шоай професси дикагӀа Ӏомае еза, из эшача юкъеяккхара тӀакхувш хила беза», - аьлар Чуранаькъан Мухьмада.
