ГӏалгӀайчен викала къамаьл дир, Севастополерча ерригроссийски кхетаче
ГӏалгӀай Республикерча дика вовзаш волча спикера Охценаькъан Ислама дакъа лаьцар Ерригроссийски кхетам балара даькъ тӀарча хьехамчий семинаре, яхаш, хоам бу «Сердало» газетага из вӀашагӀъеллараша.
«Федеральни агентствон кагирхой гӀулакхех йолча Роспатриотцентро, мехка тайп-тайпарча моттигашкара 100 саг вӀашагӀтехар Севастополе. «Концепт» яхача дешара, дегӀадара Центра тренера, федеральни дешара программай модератора Охценаькъан Ислама дӀабихьар «ДегӀадара, лерттӀа уйла яра технологи» яхача темах бола говзанч-хьехам, цунна чудоагӀаш дар, кийчадараш леладар а доацаш, хьехамчас ше дакъа лоацаш кхолларий оагӀув хьагойтар.
Вай мехкахочо шийна йоаггӀача ларда тӀа из хила дезилга белгалдир, кагирхой хӀаман мах оттабе ховш, ше-ший доагӀача моттиге хӀама нийсде ховш, шоай дегӀабара оагӀонаш вӀашагӀйохка ховш хила безилга хьалха а доаккхаш»,- йоах хоамо.
«Хьехамча болх беш ва чулоацамца санна, уйла яра кепаца а. Цо Ӏомаву хӀаман хьисап де, шеко йолаш хила, дикка уйла яь мара хӀама ца харжа. Из къаьстта эшаш да Даьхенцара безам совбоаккхаш кхетам балара даькъ тӀа, цига мах бараш дац Ӏомадаь хила дезараш, уж довзаш хилар да ха дезар», - аьлар Охценаькъанчо.
Тхоца къамаьл даьчо яхачох, цу тайпарча хьало таро лу кхетам балара оагӀув дикагӀа вӀашагӀйолла, хьехам балара даькъ тӀара хьал чӀоагӀде.
