ГӀалгӀайчера спортсмен дакъа лоацаш хургва, Португалерча «Гран-при» оалача яхьашка
15.01.2024 09:37
Олимпийски ловзарий, Европа дзюдох чемпион вола Халмарзанаькъан Хьасан, 81 кг дозал долаш, дакъа лоацаш хургва халкъашта юкъерча «Гран-при» яккхара яхьашка, уж дӀахьоргья наджгоанцхой бетта 26-ча дийнахьа денз 28-ча денга кхаччалца, Португален столицан Лиссабона гаьна йоацача Одивелаш яхача шахьар тӀа.
Из хоам бир «Сердало» газетага ГӀалгӀай Республикан паччахьлкхен зарбан болх лелабераша. «Шоай говзал Одивелаше гойтаргья 89 мехкарча 640 спортсмена», - йоах хоамо.
