Россе спорта гӀулакхех йолча Министерствос майдилг елар вай спортсмена
РФ спортах йолча Министерствон 100 шу дизарца арахийца майдилгаш телаш латт, спорта вахаре белгалбаьннача вай мехкахошта. Укх наькъа из совгӀат делар Россе цӀихеза тренер волча Борзанаькъан Бахьаудина. Из хоам тха «Сердало» газетага бир спортах йолча министерствон зарбан болх лелабераша.
«СовгӀат дӀалуш, доккха баркал аьлар спорте хьинаре къахьегаш хьавоагӀача Борзанаькъан Бахьаудина спортах йолча министерствон кулгал деча Белхарой Руслана. Хьакима теркалдир, спорта вахаре иштта бехктокхаме къахьегаш, унахцӀена тӀехье вайна ураоттае гӀерташ, хьабоагӀаш бола тренераш массахана теркалбе безилга», - йоах тхогарча хоамо.
Белгалде деза, карарча хана Бахьаудин вай республикерча кикбоксингах йолча федераце вице-президент, къамашта юкъерча оагӀон судхо волга.
