«Россера, Белоруссера, Молдовера, Иранера, Казахстанера, ГӀуозлой мехкара, Киргизера, Таджикистанера, Узбекистанера, ГуржегӀара 200 совгӀа спортсмен гулвеннавар Россе турпала, инарал-лейтенанта Кутузов Романа хетаяьча яхьашка дакъа лаца. Вай мехкара цига ваха хилар ялх спортсмен, хӀаьта царна юкъерча шинне лакха говзал гойтар», - дийцар тхога. 97 кг дозал дарашта юкъе котало яьккхар Суздалерча яхье Амренаькъан Ӏадлана. Цунца латаш хиннар вар дунен чемпион, Европа чемпион Манцигов Абязид. Владимирски областерча шин спортсменагара котало йоаккхаш белгалваьлар БӀарахой ИсмаӀал. Московски областерча Тюлюбаев Адлетал котваьлар из. ДӀахо кхы лата йиш йоацаш висар вай мехкахо, човхаваь хиларах лораша бокъо яланзар.

 Физически культурахи, спортахи йолча министерствон хьалха латтача Белхарой Руслана аьлар из яхь вайна лоархӀаме хиннилга. «Суздале хиннача яхьех Европа яхьашка кхача еш йола яхьаш лоархӀаргья вай», - аьлар цо.