«Тов бетта ийслагӀча дийнахьа Наьсарен- Шахьара дзюдо зале цу латарах йола республикан хьалхале яккхара яхьаш дӀахьоргья, цу юкъе дакъа лоацаш хургба региона дукхача спортивни клубий викалаш. Тов бетта 16-ча дийнахьа, ГӀалгӀайчен автоспорта Федераце кийчъю «Дрег-рейсингах йола республикан йийлла чемпионат». Хьалхавоаларгах машенаш хохкача яхьашка Шолжа- Шахьара автодроме гуллургба цига дакъа лоацараш. Иштта, тов бетта 29-ча дийнахьа, Магасе хургья наьк дарах йола республикан чемпионат а хьалхале яккхар а, цига дакъа лоацаш хургба вай ГӀалгӀайчен спортсменаш. Уж я Къилбаседа Кавказа федеральни доазон тӀа (СКФО), малхбоален федеральни округа «Россе къонал» яха наьк дарах йола яхьаш. Тов бетта 19-ча денга кхаччалца боевой искусстваех Анапе дӀахьоргья 15-гӀа Ерригроссе ондаргий яхьаш. Тов бетта 14-ча дийнахьа Къоаршой-Черсий мехка 300 спортсмен хургва ерригача Россе яхье дакъа лоацаш, цу юкъе ГӀалгӀайчера тхэквондо спортсменаш а болаш. Тов бетта 16-ча денгара 20-ча денга кхаччалца, Краснодарски краерча Витязево яхача юрта Россе чемпионат дӀаяхьа лаьрхӀад каратэх. ДикагӀа бола спортсменаш ба яхьашка дакъа лоацараш. Уж хургба «ММА-2023 Россе Кубка» яхьашка къовсаме боалараш, къовсам дӀабахьа лерхӀ тов бетта 22-ча денгара 23-ча денга кхаччалца Омск яхача шахьаре. Иштта лоархӀаме хургья укх бетта дӀаяхьа лерхӀаш йола Россе дахача халкъий культуран Фестиваль, из дӀахьош новкъостал ду Ставропольски края кагирхой гӀулакха йолча министерство. Тов бетта 15-ча денгара 18-ча денга кхаччалца хургья из. Гуйрана хьалхара бутт йистебоалаш, Къилбаседа Кавказа кагирхоша дакъа лоацаргда СКФО чемпионате, кагирхошта юкъе сиха вадарах йола яхьаш дӀахьоча, уж дӀаяхьа лерхӀ Краснодаре», — йоах хоамо.