«Эллиний-румой латара цӀихезача спортсменашта Артюхин Евгенена, Сергея хетаяь яхьаш дӀахьоча гулбелар ерригача регионашкара спортсменаш. Опанаькъан Ислама яхьашка котало яьккхар Мордоверча викалгара, цу тайпара цо яьккхар шоллагӀа моттиг, 82 кг кхаччалца дозал дарашта юкъе. Иштта дото мейдилг яьккхар БӀарахой ИсмаӀала (77 кг). Яхьашка бехктокхаме тренер хилар «Ади-Ахьмад» клуба воккхагӀа вола тренер Iарапханаькъан Ислам. Цига котбаьннараш эллиний-румомой латарах йолча Россе кубке дакъа лоацаш хургба», - аьлар хоамо. «Опанаькъан Ислам, БӀарахой ИсмаӀал дукха ха йоацаш вIашагIтехача команданна чубоагӀаш хилар, бакъда из новкъа хиланзар спортсменашта йоккхача яхьашка дакъа лацара. ТӀехьа тӀайоагӀача яхьашка оаха лерттӀа кийчо ергья, дӀаяхача яхьашка нийсденна кхоачамбоацараш юстара а доахаш, Россе кубка чемпиона цӀи яккхара дукхагӀа хьинар, низ тӀабохийтаргба оаха», - аьлар ГӀалгӀайчен спортивни латара федераце президента Белхарой Руслана.