Кавказа спортсменаш ГӏалгӀайчен Олимпийски чемпиона хетаяьча яхьашка дакъа лоацаш хургба
Къилбаседа Кавказа федеральни куран тӀара спортсменаш, иштта кхыча дукхача республикашкара баьхкараш дакъа лоацаш хургба, 2008 шерарча Олимпийски чемпиона Манкенаькъан Назира хетаяь дӀахьоча йийллача эллиний-румий латара яхьашка, яхаш, дийцар «Сердало» газетага ГӏалгӀай Республикан спортивни латара Федераце.
«150 совгӀа 18 шу даланза бараш таро йолаш хургба Йовлой Берда цӀерагӀча, «Магас» яхача спорта ЦӏагӀа яхьаш дӀаяхьа. Уж латаргба 11 дозалах, ГӏалгӀайчен керттерча спорта майдан тӀа. Дӏайолалу яхьаш оагӀой бетта 14-ча дийнахьа, цига дакъа лоацаш хургва цӀихеза спорта болхло. Хьажа боагӀаргболча наха лаьрхӀа артисташа концерта программа гойтаргья», - аьлар газетага.
Тхоца къамаьл даьчо яхачох, котбаьннарашта кубкаш, майдилгаш, ахчан совгӀаташ лургда.
