Спорта Министерствос совгӀаташ делар, вӀашагӀъийнача къаьсттача латарий спортсменашта
ГӏалгӀай Республикан физически культуран, спорта министра Белхарой Руслана совгӀаташ делар, вӀашагӀъийнача къаьсттача латарий дунен чемпионате котбаьннарашта, яхаш, хоам бу «Сердало» газетага.
«Сириев Ӏаддал-Малика, Хоасботанаькъан Аслана, Хьулахой Ювсапа, цар тренерашта, министра кулг яздаь, баркал оалаш дола каьхаташ делар, иштта ГӏалгӀай Республикан дегӀаахара Къаман ганзо, мехка керттерча спортивни боахамо ахча а делар.
Ханты-Мансийске яьккха котало лоархӀаме я, цу чемпионате хьалхара еннай вай спортсменашта майдилгаш. Иштта дика толамаш дахарах, Белхарой Руслана даькъалавийцар ГӏалгӀай вӀашагӀъийнача къаьсттача латара Федераце президент Шоанахой Ваха, вице-президент.
«Хӏара майдилга тӀехьа, лоархӀаме никъ ба - из боккха къахьегам ба, цига иштта сага лоӀам, цахаддаш дӀахьош бола кечам хила еза.
Из деррига цхьана шоай хилар цар дӀагойтар, шоаш дунен спортсменашта юкъе дикагӀчарех хилар белгал а деш. Вай спортсмений кхоане хиларах со тешаш ва, тӀехьа тӀайоагӀача яхьашка цар кхы а лакхагӀа толамаш доахаргда», - аьлар Белхарой Руслана.
