ГIалгIайче дIайихача «Абилимпикс» яхача региональни чемпионате котбаьннарий цIераш яйзар
В Ингушетии подведены итоги IV регионального чемпионата по профессиональному мастерству среди лиц с ограниченными возможностями здоровья «Абилимпикс». Из сотни конкурсантов, которые соревновались по 15 различным компетенциям, эксперты назвали лучших в своем деле.
Бисопрелетенех хьалхара моттиг Дербичанаькъан Адама кхаьчар, «Вязание крючком» яхача даькъах белгалъяьлар Ваделанаькъан Лимда.
Флористиках Яндырбаева Марха, туризмах Тийрканаькъан Iалихан, йоазув тоадара болча болхах Оздой Мансур, экономикеи бухгалтерски учетеи БIархой ПаьтIаматага хьалхле йолаш хилар, «Веб — дизайн» оалача белхах Курскенаькъан Адам котваьлар, предпринимательствах Алхазуранаькъан Илез, лорийи социальни тIахьожамца гIулакх лакхача боараме гойтар Келиганаькъан Танзилас, Бохтаранаькъан Iайна белгалъяьлар хьехархочун говзал хьокхаш, «Мультимедийная журналистика» оалаш дола дакъа шийгахьа эзар Ганенаькъан Далес, Овшанаькъан Хьава котъялар — карвингах, массажиста белхацара гIулакх дика хьекхар ТIонганаькъан Муслима, маха баккхара говзалца котъялар Чумаканаькъан Зарема, ишколе даханза долча берашта луча хьехамах къоастайир Заьзиганаькъан Луиза.
Лакха начIал долча укх кагийча наха, мехкараша вай республика юхь дIахьокхаргья ворхIлагIча «Абилимпикс» оалача национальни чемпионате.
Цу юкъе гIоргбарий хоржам тов бетта 4-ча дийнахьа дIаболабенна, 17-ча денга кхаччалца хургба. Дешареи Iилманеи министерства пресс-служба «Сердало» газетага баьча хоамах, могашал эшаеннача наьха говзал лакхъеш, уж кийчбеш, балха тIехьа цар наькъаш шердеш йола конференци дIайихьай.
