Республикерча воккхагӀа волча тохкама болхлочунна Дзейтанаькъан ХӀарона керда цӀи елар
10.06.2025 11:16
Дзейтанаькъан ХӀарона юстице воккхагӀа вола лейтенант яха цӀи ялар белгалдеш хилар республикерча Россе Тохкама оагӀонна чуйоагӀача республикерча Тохкама комитета болхлой. Из хоам «Сердалога» бир цу моттигера.
«ХьалхагӀа ХӀарона лелаlеш хинна СК воккхагӀа волча тохкама болхлочун гӀулакх Доврбиканаькъан ИбрахӀима тӀадиллар. Республикерча Тохкама оагӀон кулгал деча Асхабов Ахьмада даькъалавийцар ший моттиге лакхваь болхло. Аьттув, низ, толам болаш шоай никъ дӀахохьош хилара тӀахьийхар цо белгалбаьннараш», - йоах тхога бенача хоамо.
Шийна тӀалатта декхараш бехктокхаме кхоачашдеш, шийх дика цӀи йоаккхийташ хьавоагӀаш хиларах лакхвир дарже ХӀарон. Тохкама комитета хьалхашка латта боккха болх боаггӀача боараме дӀахьош хилар хьеж цунга дӀахо.
