Столицерча ярмарко бех Гӏалгӏайчен хьаьший а бахархой а
11.03.2026 14:30
Магасе тушола бетта 14-ча дийнахьа кхачана ярмарка дӏахьоргья, Рамадан бетта хетаяь. Из декхар тӏадиллад ГӏР кулгалхочо Келаматанаькъан Махьмуд-ӏаьлас..
«Бахархой а хьаьший а таро я юртбоахама продукци эца: дулх, коартол, кабуц, хоарцам, ябакх иштта кхыдола баьцадаараш», - аьлар хоамо.
Цу тайпара хӏара моттиг дика тӏаэц хӏама эцача а наха а, шоай продукци йохка безам бараша а. Цига массаза санна дукха нах хул.
Цу тайпара дукха нах бола майдаш дика я, шоай дезалера даарий тускар хьалдиза безам барашта. Иштта цига таро хургья мехка АПК таронаш йовза, юртбоахама болхлошта баркал ала, цар боккхача къахьегамах.
