«Шорта» яха подстанци хьалъяь йоалаш латт
«Ахархой боахам Шолже» яхача теплицаш хьалъяра йолча инвестице проекта чудоагӀаш да, «Шорта» яха подстанци хьалъяр. Цига, карарча хана, 92% кхоачаш болх йистебаьккхаб, ер шу чакхдоалаш из кийча хургья.
ГӏалгӀай Республикан Кулгалхочун, Паччахьалкхен зарбан болх лелабераша яхачох, хӀанз говзанчаш «Шорта» яхача подстанци Илдарха-Гӏала 2 330 кВ, -Шолжа-Гӏала 330 кВа ток лоаттаеча мугӀарах дӀахотташ, технически балхаш деш ба.
Уж дерригаш а йистедаьнначул тӀехьагӀа, «Шолже» яхача ахархой комплекса болх ца хаддаш дӀахьоргба, цу боахамо 13 эзар тонн совгӀа помидораш кхеергья хӀара шера.Цул совгӀа, говзанчаша яхачох, подстанце таро хургья юхерча юрташка, предприятешка токаца Ӏалашо лоаттае.
«Шолже» яха ахархой боахам хьабеллар вай республиканна лоархӀаме да. Из хьахилар вай мехкара экономически хьал дегӀадоаладара бола аьттув ба», - аьлар ГӏалгӀайчен кулгалхочо Келаматанаькъан Махьмуд-Ӏаьлас, цу подстанце лоархӀамах дувцаш.
