Наха а вахара а раьза боацарий наькъех дийцар студенташта
05.09.2023 10:17
Паччахьалкхен университетерча студенташца кхетаче йир дийшача наха, Ӏаьдала болхлоша. Кагирхошта цар дийцар, экстремисташ яхача зуламхоша интернете гӀолла леладеча говзача наькъех, ма хулла саг тувлаве гӀерташ, цар доаржадеча хӀамаех.
Кхетаче дийцар, интернете гӀолла зуламхоша арадоахача бакъдоацача къамаьлех. Дийшача наха кагирхошта хьалхадаьккхар, иштта дола хӀамаш доаржадеш багӀача нахаца цхьаккха тайпара къамаьл де, цар дувцачунга ладувгӀа йиш йоацилга. Тувлабеннача наха шоай хур ду, кагирхой цу харцача наькъ тӀа баха гӀерташ. Цудухьа тахан геттара чӀоагӀа лоралуш хила веза, цу мугӀарерча зуламхоех.
