Хьалхарчарн оагӏонцарча берашка хьожарий Фестивале дакъа лоацаш я ИнгГУ студентка
Новгороде дӏахьош йолча Хьалхарчар оагӏонцарча берашка хьожачар Фестивале дакъа лоацаш я вай мехкарча Паччахьалкхен университета студентка Лоалахой Динара. Мехкарча толашагӏчарна юкъе я вай мехкахо, юххьанцарча хоржамах чакхъяьнна. Россе моттигашкара, иштта доазол дехьарча мехкашкара 450 совгӏа доакъашхо гулвенна моттиг я из. Массехк дийнахьа латтаргйолча кхетаче вӏаший бовза, пайдане хургда аьнна хетараш дӏа-хьа эца, шоай проекташ йовзийта аьттув баргба гулбеннарий.
«Дог тийша да тхо Динарас цу йоккхача фестивалах пайда эцаргхиларах , хӏана аьлча дукха хӏама довза йиш йолаш моттиг я из. Университета еррига тоаба цун оагӏув хьаллоацаш я! Боаггӏача боараме ший гӏулакх дӏачакхдаккха аьттув хилба цун», - дийцар «Сердалога» ИнгГУ.
Таханарча вахаре нийслуш долча хаттарашта жоп лахар да цигара керттера декхар. Шоай болх дикагӏа тоабергбола наькъаш довза аьттув хургба хьалхалаттарий. Берий паргӏато ца йохаеш, нийсагӏа хургдолча тайпара «Хьалхарчар болама» уж юкъебоалабар, шоай декхараш довзийтар, говзал эшаш да.
Кхувш латтача къонабарий массехк оагӏонца шоай хьинар, денал доаржаде, хьалаьцача наькъ тӏа лакхбала, пайдане хургдолча гӏулакхашца белгалбала йиш хургйолаш, эшаш да тахан из деррига.
