ГӏалгӀайчен студентканна халкъашта юкъерча кхетаче совгӀат делар
Халкъашта юкъерча кагирхой Ӏилман «Ломоносова» кхетаченна чуйоагӀаш, Мордоверча паччахьалкхен хьехархой университете дӀайихьар «Ломоносов- 2025» яха студентий, аспирантий, къонача Ӏилманхой конференци. Из яр 17 даькъах латташ.
Царех, къаьстта «Метташ хар, лингвистика, халкъий культурашта юкъера хьал» яхача даькъ тӀа ИнгГУ филологически факультета студентканна Овшанаькъан Хадена совгӀат делар «Йоазув Ӏаткъаш хилар деша маӀана: лингвистически анализ» яхача балхах. Из хоам бир «Сердало» газетага вуза зарбан болх лелабераша.
«Ломоносова» кхетаче дӀахьош яр студентий, аспирантий, къонача Ӏилманхой кхоллам дикагӀа дегӀабоалабара, уж таханарча Ӏилман лоархӀаме декхараш кхоачашдара тӀахьехаш. Из дика гӀулакх да, хургболча балха новкъосташта юкъе дӀахо бувзам лелабара», - аьлар ГӏалгӀайчен университете.
