Наркотикаша деча зуламах дийцар студенташта
«Rehab» яхача, дегӀа могашал меттаоттаеча оагӀон болхлоша, шоашца кхыбола къахьегамхой болаш, наркотик яхача дохьажо доаржадеча зуламах дувцаш кхетаче дӀайихьар студенташца. Из хоам «Сердалога» бир цу гӀулакха хьалхаэттараша.
«Тутайнаькъан Аьсета цӀерах йолча колледжа студенташца къамаьл дувца вера «Rehab» яхача оагӀон болхло Хамхой Мухьмад. Наркотикашца ший вахар толхадаьча сага кхоане мишта хул дийцар цо кагирхошта», - йоах тхога бенача хоамо.
Республикерча ерригача Россе къамий союза моттигерча даькъа кулгал деча Оздой Инала дийцар, тахан дерригача къамо къовсам лоаттабе безаш, цун наькъаш хьеккха теда дезаш, во гӀулакх из долга. Иштта цо кагирхошта йовзийтар, дешара мукъа болача хана дакъа лаца йиш йола массехк проект. Кагирхой мел долча хаттарашта жоп луш дӀайихьар хьаьшаша кхетаче.
