«Магас-2024» яхача кхетачера боккха пайда ийцар вай паччахьалкхен университета студенташа
Магасе дӀайихьача къамашта юкъерча НКО «Магас-2024» яхача кхетаче дакъа лоацаш хилар, вай паччахьалкхен университета студенташ. Россера, кхыча мехкашкара хьинардараш, тайп-тайпарча оагӀоний говзанчаш, юкъарча балха хьалхалаттараш бар цига дакъа лоацаш.
«Дешар» яхача къаман проектага гӀолла дӀахьош, «Кагирхой мохк» яха къонабарий оагӀув хьаллацара тӀехьа дӀахьош болх бар из. Боккха пайда ийцар ала йиш я цу моттигах вай кагирхоша. ТӀехьагӀа шоашта эшаргбола бувзам чӀоагӀбе, кердадараш Ӏомаде, довза аьттув хилар цар», - яхаш, дийцар «Сердалога» университета зарбан болх лелабераша.
Вахарера кхоачамбоацараш юстардахар, цхьана болх дӀахьош, беркате хургдараш доаржадар дар кхетачен керттера декхар. Цу цхьанкхетаро чулоац культуран оагӀонцара моттигаш, лекцеш, экскурсеш, секцеш, иштта кхыдараш а.
Вахара бувзам чӀоагӀбеш дола кердадараш юкъедоаладеш, тайп-тайпара моттигаш юкъелоацаш, дӀабахьа безача боккхача балхах дийцар цига.
