«ЦӀена ноахал» яха ерригача Россе болам хьаллаьцар вай студенташа
«ЦӀена ноахал» яхача болама юкъебахар вай мехкара студенташ. Цунна тӀатайжа, Шолжа-Шахьарерча доал дарахи, кердача технологеехи йолча колледже наркоманена духьалара лекци дӀайихьар.
Из хоам «Сердалога» бир цу дешара моттигера. «ЛоархӀаме хьаьший хинна баьхкар студенташ болча Россе МВД «Шолжа кхала» яхача 18 шерга кхачанза долча берий оагӀон кулгалхо, полице капитан Котанаькъан Хьамзат, цу оагӀон инспектор Абаьданаькъан Анжелика. Наркотикаш наха юкъе йоаржаеча, царца базар лелаеча зуламхошта духьаларча къовсамах дийцар цига, иштта из зулам бахьан долаш доагӀача таӀазарах дийцар. Кагирхой тӀахьийхар цар уж нах гучабахара, наркотикех шоай вахар, безараш, бовзараш лорабара», - дийцар тха газетага.
Хьехархоша белгалдечох, вӀалла шоашта дагадоацаш, зуламхой маза юкъе нийслу кагирхой хийла. Иштта йола кхетачеш эшаш я вай тӀехьенна массахана фийла хилара.
