ГӀалгӀайчен студенташа дийцар, Къилбаседа Кавказа Ӏилман ишколах
ГӀалгӀай паччахьалкхен университета физико-математически факультета студенташа дийцар; Селашкахьара, ГӀалгӀайчера, Къилбаседа ХӀирийчера къона Ӏилманхой «Ӏарамхи» курорте гулбаларах лаьца.
«Карарча шера хинна тема хетаяь яр физика даькъ тӀа кердадараш лахара. Квантови механиках, геометрех, топологех йола говзал Ӏомайир оаха, иштта тхона дайзар физика даькъ тӀа Ӏилма тохкама балхаш. Ӏилман ишкол дика накъайоалаш я Ӏилма-тохкама болх беча кагирхошта, цига таро я поалхам йоккха йолча говзанчашца цхьана Ӏомабала, кердадараш юкъедаха, царцара бувзам дӀахо лелабе», - аьлар «Сердало» газетага цига хиннараша.
Берашта лекци ешаш хилар Москверча физико-технически института (МФТИ), Лакхарча экономика ишкола (ВШЭ) хьехархой, иштта цӀихеза российски физик, Россе Ӏилман Академе профессор, дуненна цӀихеза Овшанаькъан ТӀахӀир.
