Вай студенташ «Бейни» яхача туристий чаьтарий лагера доакъашхошца хургба
26.07.2024 16:33
ГӀалгӀай Республикан ворхӀ колледже дешаш вола 70 совгӀа дешархо дакъа лоацаш хургва «Бейни-2024» яхача туристий чаьтарий лагере, из карарча шера шозлагӀа нах тӀаэцаш я, яхаш, дийцар «Сердало» газетага ГӀалгӀай Республикан кагирхой политикани туризмаи Министерстве.
«Укх шера цу кхетаче кагирхой кхаь сменах хургба дакъа лоацаш. Пхе дийнахьа дӀаяхьа езаш йолча программанна чудоагӀа дешар, культура, спорта ловзараш.
Хьалхарбараш дӀаболалургба маьцхали бетта 10-ча дийнахьа.
Цхьанкхетара керттердар да, Бейни яха лакхача лоамашка улла юрт тахкар», - аьлар ГӀалгӀай Республикан кагирхой политикани туризмаи Министерствон зарбан болх лелабеча ГӀулой Аминас.
Белгалду, дехараш хьаийду 16 шерал дукхагӀа ха яьннарашкара.
