«Ший къаман турпал» яхача кхетаче, дакъа лоацаш ба мехкара студенташ
18.11.2025 16:42
Москверча вузашка дешаш болча вай мехкахоша, халкъашта юкъерча барта фестивале, дӏадовзийтар вай къаманца дувзаденнараш.
РФ моттигашкара нах санна, доазол дехьарча мехкашкара викалаш а гулбенна хинна йоккха фестиваль доал дара болхлой кийчбеча Паччахьалкхен университете дӏахьош яр, кагирхой гӏулакхех йолча федеральни агенствоc хьаллоацаш.
«Вай къаман тхьовра денз лорадеш хьадахьа беркате ӏадаташ, оамалаш, культура йовзийташ къахьийгар доакъашхоша. Тайп-тайпара дола ӏадаташ, истори довзаш, къамашта юкъера бувзам чӏоагӏбеш моттиг хилар цох», - дийцар «Сердалога» Москверча массазарча викала фусаме.
