ГӀалгӀайчен хьала а вахара а колледжа студенташ, «РИАК» заводе баха хилар
Хьала а быта а колледжа 50 совгӀа студент вахар «РИАК» яхача кӀалах хӀамаш хьаеча заводе. «ПромТур» яхача промышленни программанна чудоагӀаш дар из. Из вӀашагӀъеллар кагирхой гӀулакхашта йола комитет яр. Цига цар таро хилар кӀалах хӀамаш мишта ю ха, иштта балха говзал йолча нахаца къамаьл де, балха моттигаш тахка а го а, яхаш, дийцар «Сердало» газетага ГӀалгӀайчен кагирхой гӀулакхех йолча комитето.
«РИАК» - из 2012 шера болх бе йолаенна кӀалах даь гӀирсаш арахецаш, мехка йоккхача предприятеех цаӀ лоархӀаш а я. Тахан цо арахец эзараш йола кийча продукци, СКФО гӀолла из хьалхара предприяти я, кӀалах хӀамаш арахецача рынке хьалхале лелаеш а я. Завода болх бу ден-бус, цо 200 балха моттиг хьакхеллай.
Предприяте массаза а ший болх дегӀабоалабеш латт; Туркий, Китай мехкашкара эшаш дола балха гӀирсаш хьа а кхухьаш. Санкцеш яр аьнна доацаш, завода ца хаддаш толамаш доах, региона промышленни комплексе керттера дакъа дӀалоацаш я из.
«РИАК» яхача кӀалах хӀамаш еча завода тахан беш бола пайда мах баь варгвоацаш ба. Цо юкъеоз кагирхой, царна Ӏомаю профессеш, балха говзал хургйола никъ», - аьлар ГӀалгӀайчен кулгалхочо Келаматанаькъан Махьмуд-Ӏаьлас. «ПромТур» яхача промышленни даькъа чубоагӀа 10 мехкара промышленни преприятеш.
Цунна юкъейоагӀаш я пхиъ совгӀа колледжаш, хӀаьта кастлуш кхыйола дешара моттигаш а юкъеяргья. Из дика гӀулакх да, цо таро хулийт мехкарча промышленни даькъ тӀа дукхагӀа кагирхой къахьегаш хилийта, цул совгӀа, студентий балха говзал лакхъе.
