ГӀалгӀайчен 32 эзар совгӀа сага хержар тоаде деза доазонаш
32 эзар совгӀа сага хержар шоашта тоадича бакъахьа хеташ дола доазонаш, уж тоадергда 2026 шера. Кхадж тассара болх дӀахьу «Шахьара дика хьалаш хьакхоллар» яхача федеральни проекта чудоагӀаш.
Укх наькъа хьалха ба наьсархой 10 440 саг дукхагӀа хиларца, МагӀалбик - 6 187 саг, Шолжа - 5 932 саг.
Республикан кулгалхочо Келаматанаькъан Махьмуд-Ӏаьлас баркал аьлар волонтёрашта, цар дика дакъа лацарах цу проекта юкъе.
«Карарча шера, республикан доал деча даькъ тӀа 250 совгӀа лоӀамхо ва болх беш. Цар дӀахьу наха из хьал дӀадовзийташ бола болх, иштта новкъостал ду сайтага гӀолла кхадж тасса», - аьлар республикан Кулгалхочо.
Белгалду, хӀанз кхадж тассара белгалдаь 54 юкъара доазув да доал деча ийс моттиге. Кхадж тассара болх дӀахьоргба аьтинга бетта 12-ча денга кхаччалца, цул тӀехьагӀа тоадара хьахоржаргда 24 юкъара доазув.
