Гӏалгӏайчен театра болхлоша Даьхе лораерашта хетаяь проект гойтаргья
Ер шу чакхдоалаш, Гӏалгӏайчен юкъарлоно гойтаргья йоккха проект- спектакль-концерт, из хетадаь да Даьхен бӏухошта. Кхетаче кийчъер я Россе театра болхлой Союза моттигера дакъа, из хетаяь я цун 150 шу дузаш хилара. Проекта юкъе да лаьрххӏача операце доакъашхой, цар дезал хьаллацара тӏахьехар - «Саг, цунна Карагӏдаьннар». Цун кӏийле я исторически дагалоаттама кӏоаргга маӏан - вай Даьхен хьашташ кхоачашдеш латтача бӏухошцара бувзам хоадаргбоацаш хилар.
«Цу тайпара проекташ лерхӏам болаш я. Вай фронтовикаш, Сийлахь-боккхача Даьймехка тӏема ханашка хиннараш, таханарча СВО доакъашхой цхьан мугӏаре латт, шоай мохк лорабе кийча болаш. Цу тайпара дӏахьоча театра балхо новкъостал ду, уж истореш кӏоаргагӏа довза. Лоархӏаме да кагирхошта- дешархошта, студенташта сцена тӏара шоай мехкахой цӏераш хозаш хилар, малагӏа мах ба цу машара, малагӏа бехктокхам ба дагалоаттам лорабара, цар юха а хьалхадоаккх керттера мах бараш: денал, декхар, шоай истори лархӏар», - иштта лакха мах оттабир театра дагадехача хӏаманна Гӏалгӏайчен Кулгалхочо Келаматанаькъан Махьмуд-Ӏаьлас.
Хьажархошта гургба тайп-тайпарча искусствай кеп чуйоагӏаш бола безаме болх. Сцена тӏара хозаргда тӏема ханашкара цӏихеза иллеш, байташ - классикагара таханарча заман авторий кхолламга кхаччалца. Дикагӏа йолча оагӏонашка дагадохийтаргда сага денал, духьалъотталуш хилар. Программа дӏахохьоргья тӏем тӏарча документальни гойтама материалаша, иштта вай бӏухой дагабоагӏарий дувцараша.
