Гӏалгӏайчен кхоъ латархо Ставрополе дӏахьош йолча яхье дакъа лоацаш хилар
01.10.2025 09:44
Ший лоӏамеча кӏалкхетаргах латара Гӏалгӏайчен кхоъ викал дика дакъа лоацаш хилар Ерригроссийски яхье, 18 шу даьннарашта юкъе, из хетаяь яр СССР спорта мастера Селезнёв Юрена, яхаш, дийцар «Сердало» газетага моттигерча спорта Министерствон зарбан болх лелабеча Гӏаппархой Аишас.
«Мехка 23 моттигера 300 гаргга спортсмен шоашта фу карагӏдоал хьежар, Ставрополе дӏахьош хиннача яхьашка. Профессиональни говзал хилар лакхача боарам тӏа долга гуш хилар цига. Поалонкой ӏалихан эттар лакхагӏча лагӏа тӏа, 51 кг дозал долаш. ӏаьленаькъан Мухьмад-Басира шоллагӏа моттиг яьккхар 71 кг дозал долаш. Боранаькъан Мухьмад-Амина борза майдилг ера 55 кг дозал дарашца яхьеваьнна», - аьлар тхога баьча хоамо.
