Кхо саг леш, авари хилар ТӀой-Юрт-Ачалкхе яхача наькъ тӀа
07.08.2024 16:25
Бер юкъе долаш, кхаь сага вахар хоададеш, чӀоагӀа унзара хатар хилар ТӀой-Юрт- Ачалкхе яхача новкъа. ВӀашкакхийттараш ВАЗ (21114, 21110) , Mercedes яха кхо машин я. Из хоам «Сердалога» бир МВД болхлоша.
«Машинаш чӀоагӀа йохаеш, унзара авари я хиннар. Чехка кхаьчар цига ГАИ болхлой, сиха оарцагӀъуха лораш», - йоах хоамо.
Иштта доккха хатар хилара белггалара бахьан малагӀа да хац, из гӀулакх тохкаш да Ӏаьдало.
