ОМС кхо болхло белгалвир лоархӀамеча совгӀаташца
25.04.2024 09:38
«Моттигерча хьала доал деш бола РФ цӀихеза болхлой» яха цӀи луш, белгалбир вай мехкара къахьегамхой, РФ президента амарца. Из хоам «Сердало» газетага бир Мехкадаь зарбан болх лелабераша.
«Хьалхарча мугӀаре латтарех ба, из еза цӀи еннараш. Уж ба ЖӀайрахьа кхален администрацена кулгалду Лаьнанаькъан Ахьмад, Илдарха-ГӀалий тӀарча администрацен болхло Мамилганаькъан Мадина, МагӀалбика кхален администраце болхло йола Налганаькъан Фажерет», - белгалдир вай мехкадас Келаматанаькъан Махьмуд-Ӏаьлас.
Иразе, аьттув болаш къахьега, дӀахойодача хана а дикка толамаш доахаш латта, даькъалабийцар цо уж болхлой. Иштта еза цӀи ший моттиге бехктокхаме, лоархӀаме къахьегарашта мара луш яц.
