«Спортивни яхьашка дакъа лоацаш хилар, ГӀалгӀай паччахьалкхен университета пхийтта совгӀа йолча тайп-тайпарча факультеташка деша багӀараш. Боккхача безамца Ӏадсаькх кхоссаш шоашта фу карагӀдоал хьежар Инди мехкара вайцига дешаш бола студенташ, из бахьан долаш кхетаче геттара а сакъердаме яр. Ӏадсаькх кхоссарах Россе спорта мастера ЦӀечой Адама кулгал деш хиннача кхелахоша нийсхо йолаш мах оттабир хӀара доакъашхочунна карагӀдаьнначоа. Цу тайпара, кхалнаха юкъе котало яьккхар Мерашканаькъан Ясмалинас, (филологически факультет). ШоллагӀа моттиг яьккхар хургйолча хьехархочо Чаненаькъан Субара. КхоалагӀа моттиг кхаьчар Иленаькъан Самирайна (экономически факультет).

МаӀача наха юкъе дикагӀчарех хилар Янданаькъан Идрис (экономически факультет). Дото майдилг елар Исмейланаькъан Ювназа (лорий факультет). ЧӀоагӀагӀа волча кхаь спортсмена юкъеводаш хилар Дивьярайсинх Радж (лорий факультет)», - аьлар хоамо.

Керттерча судхочо ЦӀечой Адама яхачох, Магас шахьаре ИнгГУ, ЦСКиТ из яхь дӀаяхьа дагадохарах лоархӀаме дакъа дӀалоац спорт дегӀайоалаяра, кагирхошта юкъе цу тайпарча къовсамий оагӀув шерагӀа боаржабара даькъе.

ЦӀечой Адама яхачох, ГӀалгӀай Республикан Ӏадсаькх кхоссарах йолча федерацена, студенташа иштта дакъа лоацаш хилар дика кхоане я.