Волейболах йола яхь дӀайихьар, ГӏалгӀай паччахьалкхен университете
ГӏалгӀай паччахьалкхен университете массаза санна волейболах йола спортивни яхь дӀайихьар, тайп-тайпарча факультетий студенташта юкъе.
«Къовсамо гулбир хьинар дола студенташ, шоай спортивни говзал гойтара.
Тоабаш котало яккхара кийча хилар гуш дар. Хӏара ловзара дакъа дӀахьош дар хьинаре ловзаш, технически кийчо дика йолаш бар доакъашхой. Царех дог лаза баьхкараш а бар шоай тоабаш хьаллоацаш - трибунаш соцаш яцар ловзар чакхдаллалца», - аьлар «Сердало» газетага ИнгГУ.
Юххера а, чаккхе еш, белгалбир котбаьннараш. Хьалхара моттиг яьккхар кхыча мехкарча студентий тоабо. Из Индерча студенташта кхаьчар. ШоллагӀа моттиг яьккхар агроинженере факультето, цар цецбаьхар хьожаш хиннараш чӏоагӏа духьалъоттарца, кхоалагӀа моттиг кхаьчар лорий институтага, цига ловзаш хиннараш дика физически кийчо яь а котало яккхара лоӏам чӏоагӏа болаш а бар.
