Цу гӀулакхо хьагойт, вай мехкара туризм дикка яржаш латтилга. Иштта дукхаг1а хиннад 1еча моттигий таьрахь: карарча хана 622-га кхаьчад из. 2021-гӀа шу хьаийцача, 19, 6%-га кхоачаш, лакхагӀа да таханара цу оагӀонцара хьал.

Белгалде деза, республике, ГӀалгӀайчен тайп-тайпара моттигаш йовзийташ дола керда туристий наькъаш хьадийллалга. Туризм дикка тоае гӀерташ боккха болх дӀахьош ба республикан кулгалхой, иштта къахьег, хьатӀаухача наха вай къаман культура, истори довзийтара тӀехьа. Теркалде деза, из болх къамашта юкъера бувзам чӀоагӀбара гӀулакха юкъе лоархӀаме моттиг дӀалоацаш болга.