Из спектакль Хамченаькъан Аьсета пьесах оттаяьр я Хазанаькъан Лейла. Из дӀадахача шерарча театра хоамашка араяьлар, хьажархоша дика тӀа а ийцар. «Театра къайленаш» яха мехкашта юкъера фестиваль дика дакъа дӀалоацаш я кагирхошта, берашта лаьрхӀа йола театра искусство дегӀайоалаеча. Цо тӀахьех дӀахо а берашта, кагирхошта театрацара безам чубоссийтара, царна дукхагӀа езаялийтара, къаман а дуненна а классикий болх дегӀабоалабара. Керттера цун маӀан да дикагӀа йола спектаклаш гучаяхар, шоашта чу къамий Ӏадаташ, кердадараш хургдолаш«, — аьлар «Сердало» газетага ГӀалгӀай берий театре.