Ала деза, ГIалгIайчен бахархой боккхача безамца редакце ухалга, тайп-тайпарча ханара журналистий гIалгIй меттала йолча публикацен хоамашта тIехьа. Царна юкъе ханчура нах а ба.

Дешархой редакце бахкар дувзаденна дар, Республике гIалгIай меттеи литератураи Декада дIахьош хиларца, иштта, хьалхарча даькъе, гIалгIай меттацеи, гIалгIай меттала долча вай къаьна, къона йоазонхой прозведенеш, шоашта дукхаезарцеи. ГIалгIай меттала долча деша жовхьар царна довзийтар я, гIалгIай метта хьехархо йола Коазой Ахьмада Зарема. Из лакха говзал йола хьехархо, 40 шерал дукхагIа, ишколе къахьегаш а я.

«Сердало» газета керттерча редактора, Курскенаькъан Хадижата, дийцар къонача хьаьшашта газет хьа мишта ду, цун бIаь шерага кхоаччаш истори хилар, шоашта хьалхашка латтача творчески декхарех. ГIалгIай меттала шоай стихаш йийшача берашца цхьана, хIама довзара экскурси дIайихьар балха кабинеташкеи, иштта издане творчески цехе гIоллеи.