Наьсарера ши никъ тоабеча, хьинаре къахьег болхлоша
18.06.2024 10:39
«Кхераме доаца дика наькъаш» яхача беркатеча программага гӀолла, тоадеш латт республикера дукха наькъаш. Из хоам «Сердалога» бир мехка кабмино.
«ТӀаргимски, Фабрични оалаш дола урамаш тоадеш боахк болхлой тахан. Геттара дукха машинаш, адам лелаш моттигаш я уж; цунга хьежжа, кхерам боацаш, лакхача боараме тоадаь латташ хила деза уж наькъаш, дӀа-хьа ухача машинашта паргӀата хургйолаш», - йоах хоамо.
Кастта кердача куце духьалъоттаргда уж урамаш бахархошта. Белгалде деза, цу мугӀарера болх вай мехка лакха тӀахьожам болаш, лоархӀамечарех хеташ дӀахьош болга.
