Урам, Ӏама йистера моттиг, велосипедий никъ тоабе лаьрхӀад Наьсаре
ХьатӀадоагӀача шера, Наьсарен бахархой кхадж тесса баьнначул тӀехьагӀа, тоабе лерхӀ урам, шахьара Ӏама йистера моттигаш, гӀашлой наькъа такилг, велосипедашца лела никъ, яхаш, дийцар «Сердало» газетага шахьара администраце.
«Бахархошта хьалхадаьккхар, бекарга бутт чакхбалалехь za.gorodsreda.ru (https://za.gorodsreda.ru/) сайтага гӀолла йиш я, шийна тоабича бакъахьа хетача муниципальни даькъ тӀарча урама тӀехьа кхадж тасса. Республикан, шахьара хӀара вахархочунна лаьрхӀа деш да из; дукхача шерашка цар гӀадкхувларгба вай бахархой шоай хозалца, наха лаьрхӀа вӀашагӀдехкача дикача хьашташца», - аьлар мэре болхлоша.
2005 шера дукха нах бахача Наьсаре хӀарман доазув кердадаккха, хозде, тоаде лаьрхӀад. Иштта лаьрхӀад Дошлакъий-Юртара Хамхой урам, Альтий-Юртара Ӏарчакханаькъан урам тоабе, шахьара Ӏама йистера доазув, Алханчуртски канала уллувгӀолла бода велосипедашта баь никъ тоабе.
Шахьара бахархоша сийрда, хоза куцаш дола проекташ хьагойтай, уж моттигаш дика тоаярца ювзаенна.
