Гӏалгӏайчен УПР белгалбир «Даьхен лорабой» ганза вахара лостам теларий болх
Гӏалгӏай Республикан берий бокъонех йолча викала Аппарата белгалбир «Даьхен лорабой» ганза филиала вахара лостам телача Темарханаькъан ӏийсас Лаьрххӏача операце доакъашхой бераш хьаллацара дӏахьош бола болх.
«Укх деношка, ганза хьалхале лелаеча говзанчан Темарханаькъан ӏийсайна баркал аьлар Гӏалгӏай Республике гӏолла йолча берий бокъоний викала Чахкенаькъан Заремас. Цунна совгӏат делар цо ший болх дика дӏахьош хиларах, лаьрххӏача операце бӏухой дезал хьаллоацаш, вай мехка доазон тӏа царна хьалхашка нийслуш дола хаттараш кхоачашдеш, даим царна терко лоаттаеш из хиларах.
Ше кхайкарал деш, Гӏалгӏай Республикан УПР белгалдир, бӏухой дезалашта даим терко лоаттае езаш хилар, из берий бокъо лораеча, уж хьаллоацача керттера да», - аьлар ганзо.
«Темарханаькъан ӏийсас йоккха терко лоаттаю СВО бейнача доакъашхой берашта. Из каст-каста вода уж дезал болча, цо даим дӏахьу культуран, патриотически, спортивни кхетаченаш; тӏема доакъашхой, СВО ветераний берашца цхьана. Цу тайпара беш бола болх тахан эшаш ба, из лоархӏаме болх ба балха моттигашта, паччахаьлкхен доакъошта юкъе берий бокъо лораяра, цар дезал хьаллацара», - аьлар ганзо цу балха хьакъехьа.
