Дика саг, начIал дола режиссер, Даканаькъан Мухьмад дIакхалхар
Творческая интеллигенция Ингушетии с глубоким прискорбием восприняла известие из Санкт-Петербурга об уходе из жизни Заслуженного деятеля искусств Ингушетии, соавтора знаменитого культового фильма «Белое солнце пустыни», известного ингушского режиссера М. А. Дакиева. Выражая соболезнование родным и близким Магомеда Ахмедовича, министр культуры Ингушетии Темерлан Дзейтов отметил, что он навсегда останется в нашей памяти как талантливый режиссер и замечательный человек.
Мухьмадах, цун гаргарча нахага кодам бувцаш, ГIалгIайчен культура министра Дзейтанаькъан Тамерлана белгалдир, из массаза а вай дегашка лакха начIал дола режиссер санна, даима вахаргва аьнна.
ХIара, ше ГIалгIайче мелвоагIача хана, Мухьмад «Сердало» газета редакце воагIар. Из хоза хабар долаш саг вар, вай къаман истори дика довзаш вар. Ше Санкт-Петербурге вахаш а болх беш а волча юкъа, вай къаман исторе оагIонаш тохкаш, тайп-тайпара документаш гулдеш къахьийгар цо.
Из ваьвар 1934 шера, гIалгIай юрта — СурхотIа. Цун иразе вахар хоададир, Сталина вай къаман духьала баьча тийшача балхо, 1944 шера.
Бакъда, гIалгIай къам дукхача халонех чакхдаьнна юха Кавказе доалача хана Даканаькъан Мухьмад, хьалхарчарца цIавера. Цо дувцар сона шоаш цу хана Кавказе цIабенача наькъах.
1958 шера Даканаькъан Мухьмад Ленинградерча театра, ашарий, кино институте деша отт, из яьккхачул тIехьагIа «Ленфильм» киностуде балха вода. Ший профессиональни балха тIа 1962-1995 шерашка, дукхагIа йола ха балха дIахьош хиннача моттиге «Ленфильме», Мухьмада дакъалаьцар ворхI исбахьален фильмашка.
Режиссер хилара тарра 130 документальни а Iилма- популярни а фильмаш даьхар цо. Из юкъе волаш даьхача фильмашта юкъе эггара цIихезар дар «Белое солнце пустыни», уж съемкаш йоахаш из вар шоллагIа режиссер.
АллахIо гешт долда цунна! Дала къахетам болба цогI! Вийрза моттиг даькъала йойла!
