ГӀалгӀай къаман
юкъара газет

Кердадараш

Республикера ишколаш тоаергья

В 2023 году Минстроем Ингушетии планирует провести капитальный ремонт в 16 общеобразовательных учреждениях региона. На данную работу направят 1,1 млрд рублей федеральных средств. На сегодняшний период соглашения подписаны, финансирование подтверждено, осуществляется подготовка конкурсной документации, информировали газету «Сердало» в пресс-службе строительного ведомства РИ.

«БIаьстан шоллагIа бутт хьатIакхачалехь, из болх дIахьоргбола гIишлонхой къоастабаь, ахчан гIулакхаш белгалдаь даьнна хила деза. Ишколаш тоаергья кIалхара лардаш чIоагIъеш; тховнаш, кораш, наIараш хувцаш; лагIаш тоадеш. Хин турбаш, йIовхал, фо чудоагIаргдола, начIас дIаухаргйола моттигаш хувцаргья. 14 тайпара болх ба къахьегамхой бе безар. Цул совгIа, тишъенна кхыйола хIамаш а кердайоахаргья», — йоах тхога бенача хоамо.

Болх дIаболабергба ахкан хана, бераш цIагIа сайцача. Ахкан тIехьарча бетта 25-гIа ди тIакхачалехь, тоаяь яьнна, кийча хила еза ишколаш. 2024-ча шера тоае еза ишколаш а къоастаяьй. Дешарца ювзаенна 10 моттиг я тоае лерхIараш. Цу балхага дIагIоргда 900 млн совгIа ахча.

Ала деза, 2022-ча шера вай мехкара 13 ишкол, кердача куца тIа йоалаеш, тоаяьлга. Керда дешара шу хоза тоаяьча ишколашка дIадоладир Наьсарерча, МагIалбикерча, Шолжа-Шахьарерча, ГIажарий-Юртарча, Заьзгакъонгий-Юртарча, Долакоарча, Галашкарча, Iаьлий-Юртарча, Инаркъерча, Долакха-Юртарча дешархоша.

Деррига балхаш, цIенхаштта тIахьожам лоаттабеш, чакхдаьхар шоай ханнахьа. Цу гIулакхо вай аьттув баьккхар дикагIйолча 20 субъекта юкъедаха. 2026-гIа шу хьатIакхачалехь, республике тоае лерхIараш 68 ишкол я.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде