1 700 литр гаргга цӀий дӀачуденнад вай мехка 2023-ча шера
23.01.2024 09:58
ДӀадахача шера, Даьла духьа цӀий дӀачутелараша 1 700 литр совгӀа цӀий дӀачуденнад вай мехка унахошта лаьрхӀа. Царна юкъе массахана цӀий дӀачутелаш бола маӀа нах - 77,3%, кхалнах - 22, 7%.
Из беркате гӀулакх леладерашта юкъе дукхагӀбараш 25 шергара 35 шерга кхоачаш ба. Из хоам бераш ба паччахьалкхен зарбан болх лелабераш.
ЦӀий гулдеш боламаш дӀакхухьаш йолча цӀий дӀачуийдеча моттигера, из дӀакхоач республикерча керттерча дарбанче, МагӀалбика, Шолжа шахьарашкарча дарбанчешка, кхайкора дарба деча диспансере, нанеи бери лорадеш болча оагӀон дарбанче.
Вай мехкарча наха Даьла ший духьа, яхаш, мах боацаш дӀачутел цӀий унахошта. Вай къамах болча наха, раьза болаш, хьаллоацаш, дика гӀулакх да из.
