«Лицевой чот хьаелл, дехар яздаьдацар, аьнна. Чотах бола хоам дӀабохьийт наьна доалахьарча кабинете, госуслугай портале, ЗАГС реестрера бер дарах бола хоам СФР системе хьакхаьчачул тӀехьагӀа», - йоах вахара ганза хоама тӀа. Бахархошта хьалхадаьккхар; наьна анкета йоазув ЗАГСерча, СФРерча йоазонца цхьатарра хила деза, аьнна. Нагахьа санна кхалсага кхыйола тайпан цӀи хьаийцаяле, цунах бола хоам госуслуга портала тӀа боацаш хуле, бера СНИЛС цун доалахьарча кабинете гуш хургьяц. ЗӀамигача вахархочун лицевой чот эшаш я маткапитал оала ахча, ОМС полис хьаэцача хана, иштта социальни ахча а хьаэцаш, поликлинике дӀаяздеш, кхыйола гӀулакхаш а да цунга гӀолла леладе дезаш. Нагахьа санна бер доаладерзадеш хилча, каьхаташ дехара хьисапе кийчду, хӀана аьлча эшаш дола хоамаш уж бераш хьаэцаш болча наха шоаш мара де йиш йолаш дац.