Культуран цӀенош тоадеш, болх дӀабихьар республике укх шера
«Культура» яхача къаман проектага гӀолла керда культуран цӀенош хьалдеш, тишденнараш тоадеш, болх дӀабихьар республике. Из хоам «Сердало» газетага бир мехка кабмине.
«Мемориальни комплексе эша кхоачам Ӏалашбеш; ДаьттагӀе, ГӀайрбика-Юрта культуран цӀенош хьалдеш, Инаркъера культуран цӀа, Илдарха-ГӀалий тӀара паччахьалкхен музей тоаеш; боккха болх дӀабихьар», - йоах тхогарча хоамо. Театра, кино гӀулакхах йолча моттиге кердадарий ишкол хьаеллаш 44, 09 млн сом дехкар.
2023-ча шера гуйран хьалхарча бетта 7-ча дийнахьа хьайийлар из моттиг. Тахан цига дешаш ва 100 совгӀа дешархо. Белгалде деза, культуран гӀулакх тоадара тӀехьа вайцигарча шахьарашка, юрташка дӀахьош боккха болх болга.
Вай мехка дукха ба лакха начӀал дола, къаман беркате Ӏадаташ доаржадеш бола нах. Къаман культура, истори хьаллоацаш; никъ дӀабахьа беза вай.
