ГӀалгӀай къаман
юкъара газет

Кердадараш

2024 шера ГӀалгӀайче 16 никъ тоабергба

18.01.2024 16:01

Карарча шера, «Кхерамзлен дикал йола наькъаш» яха проект кхоачашъеш, 16 никъ тоабе лаьрхӀад, цун дӀоахал 29 км да. Цунах дийцар «Сердало» газетага цу боахама зарбан болх лелабераша.

Масала, Наьсаре лаьрхӀад Наьсар-Кертен, ГӀайрбик-Хьажий яха урамаш тоаде, цар дӀоахал 3, 25 км.;1,64 км. да. ХӀанз укх сахьате, дӀадахача шера дӀадоладаь хинна балхаш да деш, уж да машина наькъаш «Наьсаре-МагӀалбик-Лохера Къаским-Тирк», уж пхи километр дӀаьха да.

«Къаман проекта чуйоагӀача, наха шоаш кхоллача гӀишлошта а терко е лаьрхӀад. Цу тайпара, карарча шера Илдарха-ГӀалий тIарча Шолж оалача хи тӀа гӀолла тилла тӀий тоадергда. Укх кӀира из тоадаь дала мегаш да. Цхьаькха тӀий да тоадеш, карарча шера - Эккажкъонгий-Юртарча Кен оалача хи тӀа тиллар», - аьлар ГӀалгӀай Республикан наькъаш тоадерий министерстве.

Белгалду, 2023 шера республике 45 км машений наькъаш тоадаьд.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде