ИТ-отель хьаелла лерхӀ Магасе
04.09.2023 15:19
2024-ча шера шоллагӀча квартале, пхезза вӀаштӀаръяь кхаь седкъан ИТ-отель хьаелла лерхӀ Магасе. «Цига бахаш хургба ИТ-академе дешаш бола арахьара хьатӀабаьхка хьехархой, студенташ.
Академена гаьна йоацаш уллача отеле, мах боацаш, Ӏеш хургба уж», — йоах тхогарча хоамо. Таханарча дийнахьа отеле балхаш дӀахьош латт. Из хьаелла лерхӀ, академи хьаеллача хана, бӀаьсти.
Таханарча хано дӀадеххача тайпара, дукха кердадараш юкъекхувлаш, дика тоаяь хургья отель. ДегӀа могашал эшаеннача наьха хьал теркалдеш, хьалъеш я из.
