2024-ча шера, вай мехкара 14 кашамаш тоадергда
25.12.2023 09:18
ХьатӀадоагӀача шера тоаде лерхӀ Наьсар-Кертера 6 кашамаш, ГӀазе-Коара - 5, Аьлти –Юртара – 2, кераста наьха кашамаш – 1. Из хоам «Сердало» газетага бу шахьара администраце.
«Шахьара доалахьара рузкъа лораде дезаш хиларга хьежжа; грантови, федеральни проекташта юкъеух тхо.
Вай мехкада Келаматанаькъан Махьмуд-Ӏаьла оарцагӀваларца, «Сафмар» яхача ганзо, цунна хьалха латтача Гуцаранаькъан Микаила, гӀо деш; тоадеш латт тахан республикера кашамаш. Доккха баркал оал аз цу беркатеча хӀаманна юкъе дакъа мел лаьцарашта»,- аьлар шахьара дас.
«Сафмаро» гӀо деш, боккха болх ба кашамий доазонаш тоадеш дӀахьош латтар. «ГӀоазота кашамаш» дола моттиг тоаеш латт, Наьсара-Кертера кашамаш тоадаь даьннад.
